NYIMBO ZA DINI

Mwaka Mpya (2012) Wenye Heri Wapendwa. Mungu Atubariki !!!

2012-01-01T01:59:00.002+03:00

Usinipite - Upendo Kilahiro

2011-12-21T21:08:00.003+03:00

Ololo - Emmy Kosgei (Wimbo Mpya!)

2011-12-20T21:24:00.001+03:00

Bahati Bukuku: Sifai Kuwa Mke !!!

2011-12-20T21:03:00.003+03:00

Na Brighton Masalu

MWIMBA Injili mwenye muonekano wa ‘mama mwenye nyumba’ aliye pia na sauti ya uponyaji, Bahati Lusako Bukuku amefunguka akisema hafai kuwa mke na wala hafikirii kuolewa, paparazi wetu amebugia sentensi zenye ushahidi.

Bukuku aliyasema hayo mwanzoni mwa wiki hii alipokuwa akianika mwanya mbele ya ‘balozi’ wetu baada ya kumnasa shambani kwake, Bunju A Tegeta, jijini Dar es Salaam

Alisema miongoni mwa wanawake walioumbwa kwa ajili ya kuishi bila ndoa ni yeye na ndiyo maana alitimka kwa mumewe, Daniel Basila.

Aidha, alisema mwanaume huyo ni jasiri kwa sababu alimvumilia kwa vimbwanga na vituko vingi alivyokuwa akimfanyia ndani ya nyumba.Staa huyo wa wimbo wa Waraka, alizidi kukwea na mistari kuwa, Basila alidhani amepata mke bora kumbe alikosea uchaguzi jambo alilolifananisha na kuchukua mbavu za mbuzi kuzipeleka kwa tembo!

“Unajua jambo likikushinda huwezi kulazimisha, mimi nilidhani nafaa kuwa mke kumbe si kweli. Kifupi ni kwamba mimi kama Bahati Bukuku, sifai kuwa mke vinginevyo ni kumpa mwanaume stress (mawazo) zisizo na maana,” alitiririka Bukuku.

Pamoja na hayo, Risasi Jumamosi likaendelea kumchimba ili kutoka na ‘kavareji’ iliyoshiba kwa kumhoji kama kwa sasa anafikiria kuingia tena katika ndoa;

Bukuku: Kama nilivyosema hapo awali hutakiwi kulazimisha jambo ambalo huliwezi, mimi suala la ndoa jamani siliwezi.

Risasi Jumamosi: Kwa hiyo ni kama una nuksi?

Bukuku: Hapana, siamini katika hilo, wala sijutii maana ni mipango ya Mola.

Risasi Jumamosi: Wewe ni mtumishi wa Mungu, kwake hakuna kinachoshindikana, sasa kwa nini usimuombe akubadilishe na kukupa mume bora na mwema?

Bukuku: (akilikazia macho gazeti hili) mume bora nilipewa lakini yeye aliangukia kwa wrong person (mtu ambaye siye). Sasa labda kuna ambaye amempanga yeye, lakini nadhani nitaishi peke yangu hadi mwisho.

Risasi Jumamosi: Sasa jamii inakuchukuliaje? Kwani mwonekano na huduma unayoitoa unastahili kuwa na mume, maana wakati mwingine utahitajika kutoa ushauri kwa wanandoa ikiwa kama mtumishi.

Bukuku: (Kwa macho ya aibu) Duh! Labda husomi vizuri Biblia, maana ndoa inaruhusiwa kuvunjika na mimi niliwahi kuolewa na hata jamii inajua hilo. Ukweli ni kwamba siwezi kumhudumia mume ipasavyo.

Risasi Jumamosi: (likiongeza umakini zaidi) kwa nini?

Bukuku: Mfano, mume anakwambia mwende beach (ufukweni) na mimi nabeba khanga na gauni refu au wakati mwingine nakaa chumbani na mume wangu nikiwa nimevaa kimama zaidi, si nitamkera? Kifupi siwezi kuishi na mwanaume hasa kwa sasa, maana kama ni ng’ombe, ameshazeeka.

Bahati Bukuku aliwahi kuolewa na Daniel Basila na kufanikiwa kupata mtoto mmoja ambaye alifariki dunia mwaka 2006.

Chanzo: Risasi

Mkusanyiko wa Nyimbo za Kwaya ya Ulyankulu

2011-11-18T07:13:00.000+03:00

(1) Yesu Akatazama

(2) Safari ya Wanaisraeli

(3 Yesu Akawaambia

(4) Goliati

(5) Fahari ya Vijana

(6) Ombeni Nanyi Mtapewa

(7) Wakati Huo Bwana Yesu

(8) Wokovu ni Lazima

Kitu Gani - Kwaya ya SDA ya KCC

2011-11-17T18:38:00.001+03:00

Mapambano - Med Medrick Sanga

2011-11-16T20:11:00.002+03:00

Habari: Martha Mwaipaja Achumbiwa

2011-11-16T19:01:00.001+03:00

Na Gladness Mallya

Mwimbaji wa muziki wa Injili nchini, Martha Esau Mwaipaja (pichani) amechumbiwa na Mchungaji, John Said anayehudumia Kanisa la Udhihirisho wa Injili lililopo Ukonga jijini Dar es Salaam, Risasi Jumamosi linakupa habari kamili.

Habari zisizo na chenga zilizotua kwenye meza ya gazeti hili juzikati zilisema, Martha atavishwa pete ya uchumba na mchungaji huyo kesho saa 6:00 mchana katika Kanisa la Victoria lililopo Ubungo External jijini Dar.

“Martha anavishwa pete ya uchumba Jumapili (kesho) na Mchungaji, John Said na baada ya zoezi hilo kutakuwa na sherehe ndogo kanisani hapo kwa ajili ya kumpongeza kwa kufikia hatua hiyo,” alisema mtoa habari ambaye hakutaka jina lake lichorwe gazetini.

Alipotafutwa kuzungumuzia suala hilo, Martha alikiri kuchumbiwa na mchungaji huyo na kuongeza shughuli ya kesho itanogeshwa na waimbaji wenzake kama vile Bahati Bukuku, Sarah Mvungi, Ambwene Mwasongwe na Christina Mwang’onda.

Wengine ni David Robert, Debora John, Josephine Mwasulama, Ado November, Jennifer Mgendi, Lianga George, Stella Swai na wengineo.

Chanzo: Risasi (Novemba 12-14)

Nyimbo Mbili za Kwaya ya SDA ya Geita Central

2011-11-16T18:36:00.001+03:00

(1) Msalabani

(2) Ubatizo 

Uinuliwe Baba na Nalegea - Rose Muhando

2011-10-12T19:55:00.000+03:00

Christina Shusho, Upendo Nkone na Upendo Kilahiro Wakihojiwa na Mtangazaji wa VOA Muberwa Bandio (Changamotoyetu.Blog)

2011-10-12T19:29:00.004+03:00

Unaweza kumtembelea Mtangazaji Muberwa Bandio HAPA

Patashika na Watumishi - Kwaya ya A.I.C Naivasha

2011-09-19T03:16:00.001+03:00

(1) Patashika

(2) Watumishi

Nyimbo Tatu za Kwaya ya Vijana A.I.C Chang'ombe

2011-09-19T03:15:00.000+03:00

(2) Mpinga Kristo

(2) Mambo kwa Yesu

(3) Haudaiwi

Tazama Yote Yamekuwa Mapya !!!

2011-09-13T18:07:00.000+03:00

Katuni hii ni kutoka Global Publishers

Christina Shusho: Gwiji wa Injili Anayepasua Anga za Kimataifa

2011-09-13T17:39:00.008+03:00

CHRISTINA SHUSHO: Gwiji wa Injili Anayepasua Anga za Kimataifa
Na Angela Semaya; Tarehe 7 Septemba 2011

“UNIKUMBUKE Babaa unapowazuru wengine naomba unikumbuke, usinipite Yesu unapowazuru wengine naomba unikumbuke, unikumbuke babaa unapowazuru wengine naomba unikumbuke…”

Haya ni baadhi ya maneno yaliyomo katika moja ya nyimbo zinazomtambulisha vyema Mwimbaji wa Nyimbo za Injili, Christina Shusho.

Shusho amefanikiwa kujijengea sifa kwa mashabiki wa nyimbo za Injili ndani na nje ya mipaka ya Tanzania kutokana na nyimbo zake kubeba ujumbe mzito kwa jamii, lakini ukiwa katika msingi wa neno la Mungu ambalo analiamini.

Umahiri wake katika kuimba nyimbo za Injili umemuwezesha Shusho kutambulika vyema na kujinyakulia Tuzo mbalimbali ikiwemo Tuzo aliyopata wiki chache zilizopita huko Nairobi, Kenya.

Shusho alikuwa kati ya wasanii wa Tanzania waliopata Tuzo za Muziki za Afrika Mashariki na Kati (EMAS) zilizofanyika Agosti 20, mwaka huu na kushirikisha wasanii mbalimbali wa kutoka nchi nane za Afrika Mashariki na Kati.

Mwimbaji huyo aliibuka na Tuzo ya Msanii Bora wa Kike wa Nyimbo za Injili akiingia na wimbo wake Unikumbe na kumshinda mwimbaji mwenzake kutoka Tanzania Upendo Nkone aliyeingia na wimbo wake Haleluya Usifiwe, Alice Kamande kutoka Kenya na wimbo wake Upendo na Gaby kutoka Rwanda na wimbo wake Amahoro.

Wasanii wengine wa Tanzania walioshinda Tuzo hizo ni Bendi ya Muziki wa Dansi ya Msondo, Ambwene Yesaya `AY’ na Khamis Mwinjuma `Mwana FA’. Kutokana na ushindi huo, HABARILEO Jumapili lilipata fursa ya kukutana na kuzungumza na Shusho kuhusiana na ushindi huo, kazi yake, maisha yake na mafanikio aliyopata kutokana na uimbaji wake wa muziki wa Injili.

Akizungumzia Tuzo hiyo, Shusho ambaye ni mama wa watoto watatu anasema ni heshima kubwa kwa Mungu na kwake hasa kwa kuwa alishindanishwa na wanamuziki wenye vipaji vikubwa vya uimbaji wa nyimbo za Injili akiwemo mwimbaji mwenyeji Alice.

“Kidogo nilipata hisia za woga iwapo nitashinda hasa kutokana na ushiriki wa Alice ambaye ni mwimbaji mzuri wa nyimbo za Injili, lakini pia shindano lilifanyika nchini kwao hivyo mashabiki wake nilihisi kuwa ni wengi zaidi, lakini Mungu ni mwema nikapata mimi hiyo Tuzo hivyo nina kila sababu ya kumshukuru Mungu,” anasema.

Shusho anasema ushindi huo umemfanya ajisikie kumheshimu na kumnyenyekea zaidi Mungu kwa kumpeleka kila hatua, lakini pia anaona fahari kuwa watu ndani na nje ya mipaka ya Tanzania wanatambua kipaji chake na kazi aliyopewa.

“Naona ushindi huu mbali na kumheshimu Mungu zaidi, lakini pia naona nimepewa jukumu zaidi kwa maana kukitumia kipaji changu nilichopewa kwa kuimba zaidi ya hapa na kufikisha ujumbe kwa jamii kupitia uimbaji wa Injili,” anasema.

Nini msingi au chanzo cha uimbaji wake? Shusho anasema msingi wake umeanzia nyumbani kwa kile alichoeleza kuzaliwa katika familia ya Kikristo ambayo ilipenda kuomba na kusali. “Mimi nimezaliwa katika familia ya kikristo, kwa hiyo Jumapili nilikuwa nikihudhuria Shule ya Jumapili (Sunday School) ambapo watoto tulikuwa tukifundishwa dini, na huko ndipo nilianza kuimba,” anasema.

Anasema alipokuwa akiendelea kukua alijiona kuwa na wito na akaona ajaribu kuimba mwenyewe na kugundua ana kipaji na wito wa kuimba nyimbo za Injili, hivyo alianza kutunga nyimbo zake. “Mwaka 2003/2004 niliamua kuingia Studio.

Baada ya kupata msukumo hasa 2004 nilitengeneza muziki na kuingia studio…unajua nilipoamua tu nikaanza kutunga nyimbo zangu, kwa hiyo niliingia studio na nyimbo zangu mwenyewe,” anasema. Shusho anasema msingi mkubwa wa nyimbo zake ni neno la Mungu.

”Hata kama nitatoa wimbo kwa ajili ya jamii, lakini lazima msingi wake uanze na neno la Mungu.” Kwa mujibu wa mwimbaji huyo, mtindo wa nyimbo wake ni kusifu na kuabudu na kwamba hatungi wimbo kwa msingi wa kumjibu ama kumshambulia mtu zaidi ya kumsifu Mungu kwa ukuu wake.

“Unajua kuna wengine wanaimba nyimbo za Injili, lakini ukiusikiliza uko katika hali ya ama kumjibu mtu au kumshambulia mtu baada ya kuapa jambo fulani. Mimi ni tofauti naimba kumsifu na kumuabudu Mungu,” anasema.

Hadi sasa Shusho ameshatoa Albamu nne ambazo ni Kitu Gani yenye nyimbo nane iliyotoka mwaka 2004/2005, Unikumbuke yenye nyimbo nane iliyotoka mwaka 2007/2008, Nipe Macho yenye nyimbo 10 na Kwa Kanisa la Kristo yenye nyimbo nane ambazo amezitoa pamoja mwaka 2010/2011.

Kwa mujibu wa Shusho, albamu ya Unikumbuke ambayo alizindua rasmi Novemba 30, 2008 ndiyo iliyomtambulisha vyema kwa mashabiki wa muziki wa Injili na hadi sasa ameendelea kufanya vizuri hadi sasa.

Akizungumzia kukua kwa muziki huo anasema muziki wa Injili umekuwa, kwa kile alichoeleza kuwa zamani kwaya ndio zilikuwa zikijulikana lakini tofauti na sasa nyimbo za Injili zimepenya na unakuta zikitambulika katika matamasha na mashindano makubwa ya nyimbo za Injili.

Shusho anasema kuimba kwake nyimbo za Injili kumemuwezesha kupata faida mbalimbali, lakini kwanza jamii kumtambua na kukifahamu kipaji alichonacho, pili kazi zake kutambulika na kukubalika, tatu anajiona kutumika vizuri na kwamba anaamini Mungu anaona anavyofanya vyema kazi yake na nne imemuwezesha kufahamika ndani na nje. “Mungu amenipa maono na mambo ya mbeleni.

Kwa kweli Mungu amekuwa akinibariki kwa njia moja au nyingine,” anasema. Kutokana na uimbaji wake wa nyimbo za Injili Shusho anasema ameweza kushiriki matamasha ya ndani, lakini pia katika nchi za nje ikiwemo Kenya, Jamhuri ya Kidemokrasia ya Kongo na Uingereza.

Mbali na Tuzo ya EMAS ambayo ameipata wiki chache zilizopita lakini pia anasema ameshawahi kupata Tuzo nyingine ikiwemo Tuzo ya Meya Cup iliyotolewa nchini Kenya, Tuzo za Muziki wa Injili (Gospel Music Awards) iliyotolewa hapa nchini ambapo aliibuka mshindi wa Msanii Bora wa Muziki wa Injili na Tuzo ya Kenya Groove Music Awards ambapo aliibuka na Tuzo ya Msanii Bora wa Nje.

Akizungumzia mtindo wa muziki wa Injili hivi sasa anasema, “kila mtu amepewa staili yake ya uimbaji…lakini tunapaswa kukumbuka kila watu wana utamaduni wao kwa hiyo ni vyema tukaimba kuzingatia mazingira yetu. Mungu angefurahi zaidi kama Watanzania tutaimba kwa kuzingatia utamaduni wetu…sidhani kama Mungu asingependa tuimbe kama Wachina, au Wazungu na kadhalika, Mungu atajali tukiimba kwa namna na kipawa alichotupa.”

Anawashukuru mashabiki wake kwa kile anachosema wamemsaidia kwa ushauri wa aina mbalimbali ikiwa ni pamoja na kumpa mapendekezo na kwamba wamemshauri abakie na staili yake ya kuimba kwa taratibu.

“Kama nilivyosema nyimbo zangu ziko kwa mtindo wa kusifu na kuabudu ndio maana naimba taratibu na hivyo ni rahisi mtu kusikiliza nyimbo zangu hata akiwa anasikiliza katika redio wakati anaendesha gari njiani au amerudi nyumbani anataka kutulia lakini akisikiliza nyimbo za Injili…mimi najiamini na naamini staili yangu ni njema zaidi na ndio nadhani naimudu,” anasema na kuongeza lengo lake ni kuliimbia kanisa ambalo litaendelea kuwepo milele.

Mbali na kuwa mwimbaji wa nyimbo za Injili, Shusho anasema anapenda kupendeza na kuonekana maridadi na ndio maana pia anajishughulisha na masuala ya ubunifu wa mavazi na pia ananunua bidhaa au vitu kutoka nje.

Lakini pia Shusho ni mtangazaji wa kituo cha televisheni SIBUKA na akiendesha kipindi kinachojulikana kama Gospel Hits.

Hata hivyo anasema lengo lake ni kuanzisha kipindi chake cha televisheni ambacho anasema atakiita Christina Talk Show na kwamba kitakuwa kikijadili masuala mbalimbali ya kijamii bila kubagua kabila au dini kwani lengo ni kuisaidia jamii ya Watanzania.

Mwimbaji huyo ambaye ni mke wa mtu, wamebahatika kupata watoto watatu anasema amesoma hadi kidato cha nne kisha akasomea masuala ya Teknolojia ya Mawasiliano (IT) katika Kituo cha Kompyuta cha Chuo Kikuu cha Dar es Salaam (UCC), lakini matarajio yake ni kujiunga na Chuo Kikuu kwa ajili ya kupata elimu zaidi.

“Ndoto yangu Mungu akinisaidia nataka mwakani niingine chuo kikuu na nikitoka huko niwe Daktari wa Taaluma. Lengo langu ni kusomea Uongozi wa Biashara, nataka pia kuchukua kozi ya muziki ili kuongeza ujuzi zaidi,” anasema na kuongeza kuwa anataka kuchukua masuala ya uongozi wa biashara kwa sababu hata muziki, ubunifu vyote vinahitaji usimamizi.

Chanzo: Habari Leo

Nyimbo Mbalimbali za Kwaya ya Muungano Mwanza: Classics !!!

2011-09-13T17:05:00.000+03:00

(1) SAFARI

(2) KIFO NI NINI?

(3) UKIMWI

(4) MAHANGAIKO

(5) MAUA MAZURI

(6) NITAMWIMBIA MWOKOZI

(7) NINGEKUWA NYANI

(8) WAVULANA NA WASICHANA

Natamani Yerusalemu - Stella Mwadilo

2011-09-13T16:32:00.001+03:00

Stephano - Kwaya ya Songambele Kigoma

2011-08-23T23:20:00.000+03:00

Nyimbo Mbalimbali za Bahati Bukuku.

2011-08-23T23:16:00.000+03:00

(1) Songa Mbele

(2) Waraka

(3) Mosala

(4) Tsunami

Jambo Hili Halikunifurahisha !!!

2011-08-23T05:11:00.002+03:00

Picha hii iko HAPA

Leo wakati natafuta nyimbo za Rose Muhando na Bahati Bukuku katika Youtube, nimekutana na mambo ya ajabu. Watu wameamua kuweka "mihadhara" yenye kutetea dini ya Kiislamu kwa kutumia majina ya waimbaji mashuhuri wa injili kama Rose Muhando, Bahati Bukuku na wengineo (mf. tazama HAPA).

Video ina jina la Rose Muhando lakini ukibofya unapelekwa kwenye video inayoonyesha mihadhara ya kitoto kati ya Uislamu na Ukristo - mihadhara ambayo lengo lake hasa mimi huwa silielewi japo kuna kipindi ilikuwa imejikita sana kule nyumbani. Kwa kawaida katika mijadala hii Ukristo huwa unashambuliwa sana, Biblia hupotoshwa na kutafsriwa nje ya mandhari na muktadha wake; na Uislamu hushadidiwa kuwa ndiyo dini ya kweli na mwanzilishi wake kuwa ndiye hasa mtume wa mwisho aliyefunga kazi. Daima mwamba ngoma huvutia kwake ati!

Hata hivyo ukisikiliza na kufuatilia vizuri mijadala hii ni wazi kwamba hoja nyingi zinazotolewa zimeegemea katika mihemko, hazina nguvu, zimejaa jazba, hazina umakinifu na hazijachujwa vizuri. Unaweza hata kupata fununu kuhusu kiwango cha elimu-dunia cha watoa mihadhara hawa na wasikilizaji wao ambao wengi wao kazi yao kubwa ni kushangilia tu!

Sina ugomvi na Waislamu na mtume wao wala dini zingine na waanzilishi wao kwani naamini kwamba ni uhuru wa kila mtu kuamini dini yo yote anayotaka. Hata hivyo huwa nakerwa na watu wanaosimama kidete na kuanza kushambulia dini zingine hata ikibidi kwa kutumia matusi (ya kitashtiti) na udogoshaji. Historia inaonyesha kwamba mashambulizi ya aina hii mara nyingi yana madhara makubwa kijamii hasa upande mmoja unapokuwa hauna subira na uvumilivu. Ndiyo maana tukaonywa kwamba kama unaishi katika nyumba yenye vioo basi kamwe usishabikie mchezo wa kurusha mawe. Dini !!!

Ati, Ukristo ndiyo dini ya kweli? Uislamu ndiyo dini ya kweli? Uhindu je? Dini zingine nazo? Vipi kuhusu dini zetu za Kiafrika tulizokuwa nazo kabla ya ujio wa Waarabu na Wazungu katika mwambao wa Afrika Mashariki? Kwa kuwa dini hizi tumezichanganya na dini tulizoletewa, je hizi nazo ni za kweli?

Ukiona jamii inaanza kubetuana kwa kutumia misingi ya udini, basi jua kwamba jamii hiyo inacheza na moto na inakoelekea si kwema! Na watu wanaoendekeza na kushabikia haya mambo ya udini (wakiwemo hawa watoa mihadhara uchwara) ni watu wa kuogopwa kama ukoma. Mwenye masikio na asikie !!!

NYIMBO NZURI ZA MARTHA MWAIPAJA

2011-08-22T23:47:00.002+03:00

(1) Tusikate Tamaa

(2) Asante Yesu

(3) Tunasonga Mbele

(4) Mungu ni Baba

(5) Bwana ni Nuru

(6) Mimi ni Mpitaji

(7) Tulikotoka ni Mbali

(8) Mataifa Yote

Mwalimu Christopher Mwakasege Atoa Ushuhuda Kuhusu Kifo cha Fanuel Sedekia.

2011-08-20T21:54:00.001+03:00

Mwalimu Christopher Mwakasege

Mwalimu Christopher Mwakasege ametoa ushuhuda huo katika semina inayoendelea sasa katika viwanja vya Furahisha jijini Mwanza Semina hiyo yenye somo linaloitwa namna ambavyo Roho Mtakatifu awezavyo kukusaidia ili upokee kile unachokiomba imeanza tar 19-07-2011 na inatazamiwa kuisha tar 23-07-2011.

Alisema Roho mtakatifu akwambiavyo omba hiyo haina MJADALA ni kuingia kwenye maombi mpaka upate unachokiomba kwa kuwa gharama ya kuingia kwenye maombi ili kupata ulichotakiwa kukipata ni ndogo kuliko gharama ya kukosa kile ulichoambiwa ukipate katika Maombi hayo.

Roho mtakatifu anapokupa mzigo wa kuombea jambo anakupa na muda ukizembea muda huo ukipita kinakuwa ni kiporo, na kiporo kinaweza kikalika na kipo ambacho hakiliki. .

“Tulipoenda

Israel

na Fanuel Sedekia kisha akaanza kuumwa madaktari waliniambia ubongo wake kwa asilimia tisini haufanyi kazi. Lakini walishangaa kwa nini kila mara niko pale Hospitali wakasema kwa nini usikae tu Hotelini kisha ukawa unapiga simu kuulizia hali ya Mgonjwa? Wao hawakujua kwa nini naenda pale kwa kuwa suala la kupiga simu tu sio tatizo ningeweza kurudi Arusha kisha nikawa napiga simu.

Suala hapa ni kuwa nilikuwa naenda kila mara kwa ajili ya kumfanyia maombi, nilikuwa nakaa kandokando ya Bahari ya Galilaya nafanya maombi juu ya Sedikia kwa masaa sita nikitoka hapo nasikia upako wa ajabu sana kIsha napanda Taxi kuelekea Hospitali. Nikifika Hospitali madactari na watu wa ICU walikuwa washanifahamu hivyo naenda moja kwa moja kwenye chumba cha nguo nabadili nguo kIsha naingia ICU alikolazwa.

Nikifika nambana Mungu kwa maswali Mengi namuuliza Sedekia, hivi unaongea nini na Yesu muda wote huo si urudi? na kisha namuuliza Yesu, hivi Yesu si unafahamu kuwa Sedekia anamke ukimchukua mkewe atamuachia nani? Kisha baada ya maneno hayo naweka mkono juu yake. Nilipokuwa nikiweka mkono juu yake ghafla upako wote unakuwa kama umenyonywa.

Baada ya hapo narudi hotelini naanza tena kumuuliza Mungu hivi Mungu kama basi husikii maombi yangu sikia maombi ya watanzania kwa kuwa saa hiyo nilijua watanzania wengi wanamuombea Sedekia.

Inafikia wakati nakata tamaa lakini ndani yangu najisemea Mwakasege haiwezekani jitie moyo kisha nabadili aina ya maombi, kwa kuwa nilikuwa na nguo zake pamoja na passport yake nikawa naviweka kati kisha nikawa naanza maombi ya Yeriko, nikawa niko hotelini usiku nazunguka nguo zake na paspot yake huku nikifanya maombi.

Taratibu Mungu akaanza kuniambia kuwa sedekia harudi. Kipidi hicho mimi na familia yangu tulikuwa tumepanga kwenda kupumzika nchini Uingereza wakati wa skukuu ya Krismasi, na booking mpaka ya Hotel tulikuwa tumeshafanya, na watoto wote wako nyumbani wakijiuliza tunaendaje kupumzika wakati Sedekia anaumwa? Krismasi ikapita na mwaka mpya pia kisha Sedekia akafariki.

Baada ya kifo hicho sikuchoka nikarudi tena kwa Mungu nikamuuliza kwa nini Mungu umeamua kumchukua Sedekia mikononi mwangu? Mungu alinijibu vitu ambavyo siwezi kuvisema hapa.

Kila siku mimi ni mgeni katika maombi namhitaji ROHO anifundishe kwa upya kwa kuwa sijui vita gani ninakwenda kupambana nayo, Mungu anabaki kuwa Mungu kwa kuwa hufanya atakavyo”

Chanzo: Hosanna Inc.

NYIMBO MPYA ZA BONY MWAITEGE

2011-08-20T20:02:00.001+03:00

(1) Mama

(2) Mwamini Mungu Maisha ni Foleni

(3) Njoo Uombewe

(4) Nisamehe

(5) Ndiyo Bwana

MANUKATO - FANUEL SEDEKIA

2011-08-20T18:14:00.004+03:00

Hizi ni baadhi ya nyimbo zilizomo katika CD ya Marehemu Fanuel Sedekia iitwayo Manukato. CD hii ilitolewa baada ya yeye kufariki na hapa unaweza kuiona familia na wapendwa wake wakifurahia maisha yake na kumtukuza Mungu. Ni picha na nyimbo zenye kugusa moyo sana!

Kitu kidogo tunachoweza kufanya hapa ili kuiunga mkono familia ya Marehemu ni kuinunua CD hii kwa wingi. Mimi niko tayari kununua CD nyingi na kuwagawia ndugu na marafiki kama zawadi wakati wa Krismasi mwaka huu. Kwa hiyo kama kuna mtu ambaye anajua CD hii inakoweza kuagizwa basi atujulishe hapa.

Kama mwenyewe alivyosema, kazi ya Mungu haina makosa; na kila jambo na majira yake. Na kifo ndiyo njia yetu sote tulioumbwa. Hebu na Apumzike kwa amani!!!

(1) Nishike Mkono

(2) Manukato

(3) Nitaimba Halleluyah

(4) Jina Yesu

(5) Ni Neema

Harusi ni Furaha Sana - Kiza Blessing

2011-07-03T19:42:00.002+03:00

Huyu ni muimbaji mpya kabisa wa nyimbo za injili! Kwa majina anajulikana kwa KIZA BLESSING yupo Dar Es Salaam, East Africa. Hakika nyimbo zake zinabariki sana tena sana maana zimejaa upako wa Roho Mtakatifu. Kazi yake ipo tayari na inasubilia tu kukufikia mahali ulipo. Hivyo kaa mkao wa kula na utegemee muujiza unaposikiliza albamu yake yenye nyimbo nane (Maelezo Kutoka You Tube)

Utukuzwe - Rose Muhando

2011-06-30T22:12:00.000+03:00

Njoo Uombewe - Bony Mwaitege

2011-06-30T22:00:00.000+03:00

Songa Mbele - Christina Shusho

2011-06-30T21:45:00.000+03:00

Mwamini Mungu Maisha ni Foleni - Bony Mwaitege

2011-06-02T23:15:00.001+03:00

Tamasha la Pasaka: Hivi Lengo ni Kupagawisha Mashabiki au Kuhubiri Neno ???

2011-04-24T04:40:00.007+03:00

Wasanii watamba kupagawisha kesho

Imeandikwa na Mwandishi Wetu

Tarehe: 22nd Aprili 2011

WASANII watakaotumbuiza kwenye Tamasha la Pasaka wametamba kuwa kesho watatoa burudani ya nguvu kwa mashabiki watakaojitokeza.

Tamasha la Pasaka litafanyika kesho kwenye ukumbi wa Diamond Jubilee, Dar es Salaam, kisha Jumatatu Uwanja wa Jamhuri Dodoma na Jumanne Uwanja wa CCM Kirumba, Mwanza.

Mwenyekiti wa Kamati ya Maandalizi ya tamasha hilo, Alex Msama alisema maandalizi yote muhimu yamekamilika na kuwa karibu wasanii wote muhimu tayari wameshafika Dar es Salaam.

Kulingana na taarifa kwa vyombo vya habari aliyoitoa Msama, inawakariri wasanii mbalimbali wakizungumzia tamasha hilo, huku wakitamba kwamba mambo yatakuwa mazuri kesho.

“Nimedhamiria kuwapa mambo mazuri mashabiki wangu, najua watafurahi sana, watakaokuja hawatajuta,” ni kauli ya Rose Muhando.

Naye msanii Upendo Nkone, amewaomba mashabiki kujitokeza kwa wingi na kuwa wana imani kubwa litakuwa tamasha la kufunga mwaka.

Wasanii wengine wa Tanzania ambao pia wamezungumzia tamasha hilo ni Martha Mwaipaja, Christina Shusho na Boniface Mwaitege, kila mmoja akitamba mashabiki watafurahi.

Wasanii wa nje ya Tanzania ambao pia wamezungumzia tamasha hilo ni Annastazia Mukabwa, Solomon Mukubwa, Pamera Wanderwa na Geraldine Odour kutoka nchini Kenya.

Wengine watakaotumbuiza kesho ni Faraja Ntaboba kutoka Jamhuri ya Kidemokrasia ya Congo anayetamba na kibao cha Hakuna Kama wewe na Ephraem Sekeleti kutoka Zambia.

Chanzo: Habari Leo

~~~~~~~~~

Mwingira Amtangazia Kifo Babu wa Loliondo

2011-04-17T19:36:00.004+03:00

- Adai siku zake za kuishi zinahesabika

Kiongozi mkuu wa huduma ya Efatha, Mtume na Nabii Josephat Mwingira amemtangazia kifo Mchungaji mstaafu wa Kanisa la Kiinjili la Kilutheri Tanzania (KKKT), Ambilikile Mwaisapila, maarufu kama Babu wa Loliondo, huku akisema siku za babu huyo kuishi sasa zinahesabika.

Akitoa tangazo hilo mbele ya waumini katika makao makuu ya huduma hiyo Mwenge, jijini Dar es salaam, Jumapili iliyopita, Mwingira alisema babu Mwasapila atakufa kwa kuwa amemtukana Mungu wa Mwingira kwa kuzidi kutamka kuwa tiba anayoitoa imetoka kwa Mungu.

Mwingira ametoa kauli hiyo ikiwa ni siku chache tu tangu atangaze rasmi vita dhidi ya Babu Mwasapila. Akitangaza vita hiyo, Mwingira aliilaani tiba ya Babu huku akisema; “itoweke na iangamie kwa jina la Yesu Kristo wa Nazareti”

Katika tukio la Jumapili iliyopita, mwingira alisoma andiko kutoka Waebrania 1:1-2, kisha akasema Mungu haongei na miti huongea na wanadamu ambao ni watumishi wake. Aliendelea kusema kuwa, babu wa Loliondo amemkasirisha sana kwa kuwa amemtukana Mungu kwa kusema kwamba Mungu ameongea na miti na badala ya watumishi wake.

“Mungu haongei na miti, anaongea na watumishi wake, hata katika kuponya Mungu ameagiza tuweke mikono kwa wagonjwa, Marko 16:15-18 inafafanua hili. Sasa kwa sababu babu wa Loliondo amemtukana Mungu, naye siku zake zinahesabika, kwani Biblia inasema usimwache mchawi kuishi” alisema Mwingira.

Wakati akiendelea na mahubiri yake huku akipita kuombea wenye shida mbalimbali, ghafla alifuatwa na mtumishi mmoja wa kanisa hilo na kumweleza kuwa, ndani ya kanisa hilo amekamatwa msichana ambaye ametumwa kuloga ili kuharibu kazi ya Mungu.

Hata hivyo, Mwingira hakuonesha kushtushwa na taarifa hiyo badala yake aliendelea kuombea watu huku akisema; “mimi sitishwi na wachawi” baadaye wakati akiendelea kuombea watu waliofika eneo ambalo msichana huyo alikuwa ameanguka na kuamuru ainuliwe ili amhoji.

Miongoni mwa maswali aliyoulizwa msichana huyo ni wapi alikotokea na alikuwa ametumwa na nani. Katika majibu yake msichana huy0 alieleza kuwa ametokea Ngorongoro na ametumwa na mtu aliyedai amechoshwa na maombi ya Mwingira yanayokwamisha kazi zake za kichawi. Msichana huyo alitaja jina la aliyemtuma ambaye hatuwezi kuandika jina lake.

Msichana huyo alikutwa na pete yenye picha ya mtu aliyetajwa na msichana huyo kuwa ndiye kamtuma, pamoja na chuma kilichochongwa mfano wa fuvu lililobebwa na ndege pamoja na bangili kubwa ya shaba.

Baadaye Mwingira alimuuliza; “sasa nikufanye nini”? yule msichana akajibu; “naomba unisamehe sitarudia tena ufanya uchawi na sitarudi kule nilikotoka” Mwingira akamuuliza tena; “Unakubali kumpokea Yesu”? yeye akajibu; “ndiyo” Baadaye msichana huyo aliongozwa sala ya toba.

Mwingira ni mmoja wa viongozi wa dini ya kipentekoste ambao walikuwa wa kwanza kabisa kutangaza kuipinga tiba ya Babu wa Loliondo.

Kwa habari zaidi kuhusu babu wa Loliondo, bofya HAPA

Chanzo: Strictly Gospel

Wewe ni Mungu (Remix) - Geraldine Oduor

2011-04-15T16:32:00.001+03:00

Nyimbo Chache za Nesta Sanga

2011-04-15T16:27:00.000+03:00

(1) Jiandaeni

(2) Natamani

(3) Kitambo

Misumari Iliyotumika Kumsulubishia Yesu Imepatikana?

2011-04-13T19:53:00.001+03:00

Jifunze kwa Kuku - Bishop Charles Jangalason

2011-04-05T16:08:00.001+03:00

Miriamu Lukindo Kuzindua Albamu yake Mpya Tarehe 10 Mwezi Huu.

2011-04-05T15:57:00.004+03:00

MSANII wa muziki wa injili nchini Miriam Lukindo Mauki anatarajia kuzindua video ya albamu yake ya pili iitwayo "Ni asubuhi". Uzinduzi huo utafanyika Aprili 10 kwenye ukumbi wa Diamond Jubilee,jijini Dar es Salaam.

Akizungumza na waandishi wa habari asubuhi hii, Miriam alisema ili kupamba uzinduzi huo wasanii mbalimbali wa muziki wa Injili watasindikiza. Aliwataja wasanii hao kuwa ni pamoja Christina Shusho, Jackson Bent, Martha Mwaipaja, The Voice Band, The Whispers, Makuti Kawe na Marion Shako kutoka Nchini Kenya.

Nyimbo zilizomo kwenye albamu hiyo ni pamoja na Ni asubuhi, Sema na Moyo wanghu, Anasikia, Amefanya, Wewe ni sababu, Mungu yu Mwema, Twende na Yesu na Amen Amen.

Aidha, kiingilio katika uzinduzi huo kimepangwa kuwa ni sh.10,000 kwa viti maalum na 5,000 kwa viti vya kawaida.

Chanzo: Mtaa kwa Mtaa
*************

Nyongeza

Uzinduzi wa albamu hiyo ulifana sana. Kwa picha zaidi kuhusu uzinduzi huo tembelea HAPA.

ROSE MUHANDO SAFARINI LOLIONDO ???

2011-04-04T07:15:00.002+03:00

Malkia wa muziki wa Injili nchini, Rose Muhando, amedai kupanga safari ya kwenda kijiji cha Samunge, wilayani Loliondo kukutana na Mchungaji, Ambilikile Mwasapile kwa lengo la kunywa dawa ili siku ya Tamasha la Pasaka linalotarajiwa kufanyika mwezi ujao limkute akiwa fiti.

Rose alitoa kauli hiyo hivi karibuni ndani ya Studio za Zoom Production, zilizopo Magomeni Usalama jijini Dar es Salaam anakorekodia nyimbo zake kumi kwaajili ya albamu yake ya tatu.

Mkali wa Injili ambaye nyimbo zake huonekana mpya kila kukicha alisema kuwa, baada ya kupata taarifa ya tiba za Babu huyo alikuwa na mashaka nazo lakini kadiri siku zinavyokatika ameanza kuziamini kutokana na ushuhuda za watu mbalimbali wanaohudumiwa.

Endapo Rose atatekeleza adhima yake hiyo, atakuwa mwimbaji wa kwanza wa muziki huo kujitangaza kwenda kupata tiba kwa Babu wa Loliondo ambayo imekuwa ikiwagawa watumishi mbalimbali wa Mungu ambao kila mmoja amekuwa akisema lake.

Chanzo: Blogu ya Kabula George

EVERYTHING - BETTY BAYO

2011-04-04T06:01:00.000+03:00

MUKUBWA: MKONO MMOJA HAUNIZUII KUPAGAWISHA MASHABIKI TAMASHA LA PASAKA

2011-04-04T05:56:00.002+03:00

Mukubwa: Mkono mmoja haunizuii kupagawisha mashabiki

Imeandikwa na Mwandishi Wetu

Tarehe: 1 Aprili 2011

KATIKA tamasha la Pasaka mwaka 2010 lililopambwa kwa muziki wa Injili kwenye ukumbi wa Diamond Jubilee, Dar es Salaam, kusherehekea Sikukuu ya Pasaka, nyoyo za mashabiki zilikongwa na waimbaji kochokocho waliotumbuiza.

Lakini kivutio kikubwa walikuwa ni mwimbaji wa Jamhuri ya Kidemokrasia ya Congo anayeishi Kenya, Solomon Siaka Mukubwa na Rose Muhando, ambao mara kwa mara kelele za mashabiki zilisikika wakitaka kila mmoja aendelee kuwapa burudani.

Mbali ya Rose Muhando ambaye wimbo wake wa Nibebe uliteuliwa kuwa Wimbo Bora wa Mwaka 2009 kupitia televisheni ya Taifa, TBC1 na Mukubwa, wasanii wengine walioshiriki ni Flora Mbasha na Upendo Nkone.

Waimbaji wengine ni Bahati Bukuku, Jennifer Mgendi, Geraldine Oduor, Enock Jonas, na kundi la muziki wa Injili la Upendo la Kijitonyama, Dar es Salaam. Lakini Mukubwa na Rose ndio waliokuwa kivutio zaidi kutokana na kushangiliwa kwa nguvu.

Mukubwa anasema hamasa aliyoipata mwaka jana ndiyo inampa msukumo zaidi wa kuendelea kukonga nyoyo za mashabiki katika tamasha la mwaka huu.

Tamasha la mwaka huu litafanyika kwenye ukumbi wa Diamond Jubilee, Aprili 24 mwaka huu, kisha litarindima kwenye Uwanja wa Jamhuri mjini Dodoma Aprili 25 na kisha kutibwirika kwenye Uwanja wa CCM Kirumba, Mwanza Aprili 26 mwaka huu ambayo itakuwa Sikukuu ya Muungano wa Tanganyika na Zanzibar.

Mwenyekiti wa Kamati ya Maandalizi ya tamasha hilo, Alex Msama anasema kwa vile tamasha la mwaka jana lilikuwa la mafanikio makubwa, anaamini hata mwaka huu watavuka malengo ya kukusanya fedha kwa ajili ya watoto yatima, kuwasaidia mitaji ya biashara wajane
wasiojiweza na waathirika wa mabomu yaliyotokea kambi ya JWTZ Gongo la Mboto, Dar es Salaam, Februari 16 mwaka huu.

Wasifu wa Mukubwa ni mlemavu wa mkono mmoja wa kushoto anaodai umekuwa katika hali hiyo kutokana na kudhuriwa kwa uchawi na mama yake wa kambo alipokuwa na umri mdogo.
Anasema akiwa na miaka 12 alipata matatizo hayo kwa kutokea uvimbe wa ajabu na hakuna aliyejua tatizo lilikuwa nini, lakini walibaini kuwa ni mama yake wa kambo ndiye alimroga kutokana na wivu.

Mukubwa anayetamba na wimbo wa 'Mfalme wa Amani', anabainisha kwamba aliugua kwa miaka mitatu na alihaha huku na huko hospitalini hadi kwa waganga wa kienyeji kusaka tiba, lakini hakufanikiwa.

Kwa mantiki hiyo, alifikia uamuzi wa kukatwa mkono kwa vile ulikuwa umeharibika. Mukubwa ametoa albamu mbili ambazo ni Sijaona Rafiki na 'Mungu Mwenye Nguvu'. Mukubwa anasema mama yake huyo wa kambo alikiri kumroga baada ya kuokoka, hivyo amemsamehe.

Anasema mkono huo aliokatwa haumzuii kumuimbia Mungu. Mukubwa anasema alihamia
Kenya kutokana na msaada wa mwimbaji wa nyimbo za Injili, Angela Chibalonza (sasa marehemu), aliyekuwa mshauri wake.

Mukubwa amezaliwa kwenye familia ya watoto tisa, wanaume saba na wanawake wawili, yeye akiwa wa kwanza, ameoa kwa kufunga ndoa na Betty Japhet, Machi mwaka jana. Wengine watakaoshiriki mbali na Mukubwa, wengine watakaoshiriki tamasha la Pasaka mwaka huu ni mwimbaji wa muziki wa Injili kutoka Zambia, Ephraim Sekeleti.

Mgeni rasmi atakuwa Rais wa Jakaya Kikwete. Kiingilio katika tamasha hilo kitakuwa Sh 4,000 kwa viti vya kawaida, viti vya maalumu (B) Sh 10,000 na viti maalumu (A) Sh 20,000. Tiketi za kategoria hiyo hazitauzwa mlangoni.

Msama anasema tiketi za viti maalumu vya VIP A zitakazokuwa kama meza za familia,
watakaohitaji watalazimika kupiga simu selula 0713 383838, 0786 383838 na 0786 373737 ili kupata tiketi na maelezo kinagaubaga.

Mbali na Sekeleti, wasanii wengine wa nyimbo za Injili watakaopamba tamasha hilo ni Rose Muhando, Upendo Nkone, Bony Mwaitege na wanamuziki kutoka Kenya, Anastazia Mukabwa na Pamela Wanderwa.

Tamasha la Pasaka la mwaka huu litashirikisha waimbaji wa nyimbo za Injili kutoka nchi sita ambazo ni Kenya, Uganda, Rwanda, Jamhuri ya Kidemokrasia ya Congo, Afrika Kusini na Zambia.

Pia kutakuwa na kwaya mbili kutoka katika nchi hizo.

Chanzo: Habari Leo

ETI, KUTUMIA LUGHA YENYE KUONYESHA USAWA WA KIJINSIA KATIKA BIBLIA (ZA KISASA) NI "KUCHAKACHUA" NENO LA MUNGU?

2011-03-22T09:00:00.003+03:00

Kwa tunaoamini kwamba Biblia ni neno la Mungu, ni sawa kweli kuibadilishabadilisha mara kwa mara ili lugha yake iendane na wakati uliopo na mazingira tuliyomo?

Swali hili limezuka baada ya wafasri wa toleo jipya la mwaka huu la Biblia inayopendwa sana ya New International Version Bible (NIV) kuamua kutumia lugha inayoakisi usawa wa kijinsia. Kwa mfano, badala ya kusema, "If anyone says, 'I love God,' yet hates his brother, he is a liar.", sasa Biblia hiyo inasomeka "If anyone says, "I love God,' yet hates his brother or sister, he is a liar."

Kuna wanaodai kwamba Biblia ni neno la Mungu na kamwe haipaswi kuwa inabadilishwabadilishwa kila mara mikondo au matapo ya mawazo yanapobadilika katika jamii kwani kwa kufanya hivyo itafikia mahali tutakuwa tunapotosha kabisa maana iliyokusudiwa. Wewe unasemaje kuhusu suala hili?

Kwa habari zaidi kuhusu utata huu wa tafsiri bofya HAPA (Tazama maoni mengi yaliyotolewa hapo). Unaweza pia kusoma kitabu kinachochambua japo hili kwa kina HAPA (pdf - kurasa 357)

MELI IMENG'OA NANGA - KWAYA YA SDA SENGEREMA

2011-03-21T03:34:00.000+03:00

MWAITEGE APANIA TAMASHA LA PASAKA

2011-03-17T17:09:00.001+03:00

Mwaitege apania Tamasha la Pasaka

Thursday, 17 March 2011 09:53

Na Mwandishi Wetu, jijini

MWIMBAJI nyota wa muziki wa injili nchini, Bonny Mwaitege, amesema amejipanga vizuri kuhakikisha anafikisha neno la Mungu kwa njia ya muziki wakati wa Tamasha la Pasaka Aprili 24, mwaka huu kwenye ukumbi wa Diamond Jubilee, Dar es Salaam. Akizungumza na gazeti hili leo asubuhi, Mwenyekiti wa Kamati ya Maandalizi ya tamasha hilo ambaye pia ni Mkurugenzi Mtendaji wa Msama Promotions, Alex Msama, amesema mwimbaji huyo kutoka mkoani Mbeya, alithibitisha kushiriki tamasha hilo na kuahidi kutoa nyimbo mpya.

"Mambo yanazidi kuwa mazuri, sasa tumemaliza mazungumzo na Maitege, amekubali kupanda jukwaani Aprili 24, mwaka huu," amesema.

Msama amewataja waimbaji wengine nyota waliothibitisha kupanda jukwaani wakati wa Tamasha la pasaka ni Rose Muhando, Upendo Nkone, Anastazia Mukabwa na Pamela Wamarwa kutoka Kenya.

Amesema Rose, katika tamasha hilo atatumia nafasi hiyo kuwapa vitu vizuri watu watakaohudhuria tamasha hilo, tayari amekamilisha nyimbo tano mpya zitakazosikika katika tamasha hilo.

Msama amesema kwa upande wa Anastazia, yeye atatumia nafasi hiyo kuwaonesha ubora wa albamu yake ya Vua Kiatu, aliyoimba kwa kushirikiana na Rose Muhando.

Tamasha la Pasaka la mwaka huu litafanyika Aprili 24, mwaka huu jijini Dar es Salaam kabla ya kwenda mkoani Dodoma Aprili 25 na Shinyanga Aprili 26."Pamoja na kuwapata nyota hawa watano, bado tunafanya mazungumzo na wengine, tukikamilisha, tutawatangazia," amesema.

Albamu ya Vua Kiatu ina nyimbo nane ambazo ni Vua Kiatu uliobeba jina la albamu hiyo, Ee Mungu, Usiwe Manamba, Nzizilela, Nishike Mkono Bwana, Wanaokudharau na Mfalme.

Kwa mujibu wa Msama, tamasha la Pasaka la mwaka huu, lengo lake kubwa ni kukusanya fedha za kuwasaidia watoto yatima na mitaji ya wanawake wajane.Pia, fedha zitakazopatikana katika tamasha hilo zitatumika kuwasaidia waathirika wa mabomu yaliyotokea katika kambi ya Jeshi la Wananchi Tanzania (JWTZ) Gongo la Mboto, Dar es Salaam.

Tamasha la Pasaka la mwaka huu litashirikisha waimbaji wa nyimbo za injili kutoka nchi sita ambazo ni Kenya, Uganda, Rwanda, Jamhuri ya Kidemokrasia ya Congo (DRC), Afrika Kusini na Zambia.

Chanzo: Dar Leo

NYIMBO KUU ZA INJILI TANZANIA - MKUSANYIKO WA NYIMBO ZA KWAYA YA SDA MUUNGANO MWANZA

2011-03-16T08:00:00.002+03:00

Kama ulikuwepo, nyimbo hizi (pamoja na zile za Kwaya ya Barabara ya 13 Ulyankulu, Makongoro na Mabibo KKKT) zinakukumbusha nini? Ni kweli kuna tofauti ya uimbaji kati ya waimbaji wa injili wa sasa ambao wanadaiwa kuimba kibiashara zaidi na hawa wa zamani kabla ya mtandao, matamasha na uchezaji wa shoo. Tujadili!

********************

(1) MAHANGAIKO

(2) SAFARI

(3) UKIMWI

(4) KIFO NI NINI ?

(5) NITAMWIMBIA MWOKOZI

(6) SINA LA KULIPA

(7) MAUA MAZURI

(8) WAVULANA NA WASICHANA

(9) NINGEKUWA NYANI

KIKWETE MGENI RASMI TAMASHA LA PASAKA

2011-03-14T19:55:00.003+03:00

Kikwete mgeni rasmi Tamasha la Pasaka

Na Mwandishi Wetu; Tarehe: 14th March 2011

RAIS wa Tanzania, Dk. Jakaya Mrisho Kikwete atakuwa mgeni rasmi wa Tamasha la Pasaka litakalofanyika siku ya sikukuu ya Pasaka, Aprili 24 mwaka huu katika ukumbi wa Diamond Jubilee, Dar es Salaam.

Taarifa iliyotolewa kwa vyombo vya habari na Mwenyekiti wa Kamati ya maandalizi ya Tamasha la Pasaka ambaye ni Mkurugenzi Mtendaji wa Msama Promotions waandaaji wa tamasha hilo, Alex Msama ilieleza kuwa Rais tayari amethibitisha kuhudhuria.

Alisema Rais Kikwete amekubali kujumuika na wadau mbalimbali katika tamasha hilo la aina yake na kwamba litakuwa bora kuliko matamasha mengine yaliyopita.

Alimshukuru Rais Kikwete kwa kukubali mwaliko wao na kuongeza kuwa hiyo ni furaja kwa waandaaji pamoja na Wakristo wote kwa vile siku hiyo ni sikukuu ya Pasaka.

Kwa mujibu wa Msama kiasi cha fedha kitakachopatikana kwenye tamasha hilo kitatumika kuwasaidia waathirika wa mabomu ya Gongo la Mboto, Dar es Salaam.

Hata hivyo Msama alisema kwamba lengo la awali la kuwasomesha yatima na kuwasaidia mitaji ya biashara wanawake wajane bado lipo pale pale.

“Pamoja kwamba tutawasaidia waathirika wa mabomu pia, lile lengo letu kubwa la tamasha hili kuwasaidia kuwasomesha yatima na wajane lipo pale pale,” alisema.

Chanzo: Habari Leo

BABA - MERCY LAI

2011-03-14T19:52:00.002+03:00

EH BETHLEHEM - ROSE MUHANDO

2011-03-14T19:49:00.000+03:00

NGUVU YA MSALABA - EUNICE NJERI NA BILLY FRANK

2011-03-14T19:44:00.001+03:00

SWEEP OVER ME - GERALDINE ODUOR

2011-03-07T06:26:00.000+03:00

TENDA MIUJIZA - MCHUNGAJI ABIUDI MISHOLI

2011-03-02T18:53:00.002+03:00

WAPENDWA ASANTENI SANA !!!

2011-02-24T16:52:00.002+03:00

Wapendwa; nilikuwa sijui kwamba tayari tumeshagonga watembeleaji zaidi ya milioni moja. Mibaraka iliyoje! Napenda kuchukua nafasi hii kuwashukuruni nyote kwa ushirikiano wenu ambao umeifanya blogu hii ifike hapa ilipo.

Lengo langu pekee la kuanzisha blogu hii ilikuwa ni kuzikusanya nyimbo za injili zilizotapakaa mtandaoni katika sehemu moja. Wapo waliokerwa na jambo hili na wengine wakafikia hata kuomba nyimbo zao ziondolewe hapa kwani zilikuwa zinawaharibia biashara. Lengo langu kamwe halikuwa kujipatia fedha na sijapata hata senti moja kupitia blogu hii. Ndiyo maana hakuna matangazo ya aina yo yote ile katika blogu hii pamoja na ukweli kwamba huwa napata maombi ya watu na makampuni mbalimbali kutoka Tanzania wakitaka kuweka matangazo yao hapo juu ya blogu kwa malipo.

Kama kuna mtu hata mmoja tu ambaye aliweza kuguswa na nyimbo zilizopo hapa kiasi cha kurudisha ukaribu wake na Mungu wetu, basi lengo langu la kuanzisha hii blogu litakuwa limefanikiwa. Kwa moyo mkunjufu napenda kuwashukuruni nyote. Na kwa wote waliokwaza kwa namna yo yote ile, samahani sana. Na mlango uko wazi. Kama unataka nyimbo fulani tuziondoe hapa basi usisite kutujulisha nasi tutafanya hivyo mara moja - hata kama ni kuifunga blogu hii. Mungu hategemei kiblogu kama kama hiki ili kufikisha ujumbe wake kwa watu Anaowatafuta. Kwake hata mawe yaweza kupiga kelele na kuutangaza ufalme wake ujao!

Kama una maoni yo yote kuhusu jinsi ya kuiboresha na kuiendeleza blogu hii basi usisite kutujulisha. Tatizo kubwa ni kwamba mimi mwenyewe si mtaalamu sana wa haya mambo ya kompyuta na huwa nasonga mbele hivyo hivyo tu kwa kubangaiza. Mungu daima ni Mwema ati!

Asanteni sana na Mungu Aendelee kutubariki !!!

JINA LA YESU - NEEMA MWAIPOPO

2011-02-23T09:17:00.000+03:00

JIANDAENI - NESTA SANGA

2011-02-22T20:57:00.000+03:00

KIWEGUN KONGOI - EMMY KOSGEI

2011-02-22T20:01:00.002+03:00

MAHUBIRI NA MTUMISHI JOSEPHAT MWINGIRA: UTII

2011-02-15T21:34:00.000+03:00

NYIMBO KUU (CLASSICS) KATIKA INJILI YA KISWAHILI TANZANIA - NYIMBO ZA KWAYA YA VIJANA YA KKKT MABIBO EXTERNAL

2011-01-20T22:52:00.004+03:00

(1) Sauti Ikatoka

(2) Nijaposema kwa Lugha

(3) Bwana Mungu Asema

(4) Mimi Mzabibu

(5) Na Lile Kosa

(6) Mwanadamu Nimekuumba

(7) Nitamwandama Bwana

(8) Bwana Ndiye Mchungaji

(9) Mateso ya Bwana Yesu

(10) Mpanzi

(11) Halleluya!

BODA BODA YANGU - MAN INGWE

2011-01-20T22:22:00.000+03:00

FARAO - ANASTAZIA MUKABWA

2011-01-15T19:50:00.000+03:00

PUMZIKO - JAMES WARACHI

2011-01-15T19:45:00.000+03:00

NIFINYANGE - MARY MUTHUI

2011-01-07T19:09:00.000+03:00

ZINZILELA - ANASTAZIA MUKABWA

2011-01-07T19:05:00.000+03:00

MANAMBA - ANASTAZIA MUKABWA

2011-01-07T19:02:00.002+03:00

MWAKA MPYA - WAZEE WETU

2011-01-02T18:46:00.000+03:00

SAMEHEANENI - REBECCA MAGABA

2010-12-31T08:48:00.000+03:00

Tumalizie mwaka huu kwa wimbo huu wa Rebecca Magaba. Tusameheaneni!!!

BIBLIA NA SINEMA YA MAISHA YA YESU KATIKA LUGHA MBALIMBALI ZA TANZANIA NA AFRIKA KWA UJUMLA.

2010-12-30T19:41:00.003+03:00

Sinema ya Maisha ya Yesu sasa inapatikana mtandoni katika lugha mbalimbali za Kitanzania kama Kibena, Kidigo, Kigogo, Kihaya, Kihehe, Kimasai, Kimeru, Kimoshi (Kichaga), Kimakonde, Kimakua, Kinyakyusa, Kinyilamba, Kimasai, Kinyamwezi, Kinyakyusa (cha Ngonde), Kishambala, Kisukuma, Kiswahili na Kiyao.

Sinema hii pia inapatikana katika lugha nyingine za Afrika. Ukitaka kuisikiliza na kuitazama, tembelea tovuti ifuatayo na chagua lugha unayotaka.

Pia unaweza kusoma Biblia, kusikiliza na kutazama filamu ya Yesu pamoja na rekodi mbalimbali za Kikristo katika lugha kadhaa za Tanzania kupitia tovuti ya Joshua Project (chagua Tanzania). Mungu Atubariki tunapouanza mwaka mpya wa 2011.

NI WEWE - NEEMA MWAIPOPO

2010-12-29T01:46:00.000+03:00

AMEZALIWA HORINI - ROSE MUHANDO

2010-12-25T01:59:00.000+03:00

KAMA YESU ANGEZALIWA LEO WAKATI WA FESIBUKU, GOOGLE NA WIKIPEDIA !!!

2010-12-24T19:11:00.000+03:00

UPENDO NKONE AT HER BEST !!!

2010-12-24T19:07:00.000+03:00

(1) HALELUYA USIFIWE

(2) ZIPO FAIDA

(3) USINIPITE

(4) NAKUSHUKURU

(5) SITARUDI NYUMA

(6) MOYO WANGU

(7) YESU WANGU NI TUMAINI

(8) UNITETEE

(9) UINULIWE

YESU KRISTO - MFALME WA FALSAFA?

2010-12-19T23:58:00.003+03:00

Nawasalimuni wote ndugu zangu. Naomba nirejee tena na mada hii ambayo imenipa kufikiri sana bila kupata muafaka wa mawazo yangu. Nimejihisi kuwa labda nimekuwa mvivu wa kusoma maandiko matakatifu ya Mungu.

Yesu anatajwa sana habari zake na hivi karibuni tunaelekea kusherehekea sikukuu ya kuzaliwa kwake. Pamoja na jitihada zote za kutaka kufahamu kwa nini Yesu alikuwa na uwezo mkubwa sana wa kujibu maswali yote aliyoulizwa, nimekosa habari zake muhimu.

Yesu mnazareti, aliyezaliwa na Bikira Mariam, alisoma shule gani na chuo kipi?

Naomba kujua kiwango chake cha elimu.

Makuhani, Maliwali, Mafarisayo na wasomi wengine waliuliza maswali mengi kutaka kumtega, lakini Yesu alikuwa na uwezo wa kutoa hadi "reference" kwa kusema " IMEANDIKWA". Hata nyoka alipotaka kumjaribu Yesu, alijibu "IMEANDIKWA usimjaribu Bwana Mungu wako"

Kwa nini walimwita Mwalimu hata wasomi waliokuwa na elimu ya juu katika Uyahudi?

"NAWATAKIA CHISTMAS NJEMA NA HERI YA MWAKA MPYA 2011"

Maswali haya yako hapa

MITEL LAPKELYET - EMMY KOSGEI

2010-12-17T20:47:00.000+03:00

MBINGUNI SIYO MOCHWARI - BISHOP CHARLES JANGALASON

2010-12-17T20:45:00.000+03:00

Tutafakari ujumbe katika huu wimbo kwani unagusia baadhi ya matatizo ya "Ukristo wa kisasa"

TUMWIMBIE BWANA - YUSTO ONESMO

2010-12-17T20:40:00.000+03:00

WAPENDWA - ROSE MUHANDO

2010-12-17T20:31:00.000+03:00

SALUTI - DADDY OWEN (feat KAMBUA, ESTHER WAHOME, EMMY KOSGEI, JACKY KOTIRA, MASHA MAPENZI NA CAROL NANJIE )

2010-12-13T08:32:00.000+03:00

TABU ZANGU - ANASTAZIA MUKABWA NA ROSE MUHANDO

2010-12-13T07:51:00.001+03:00

POKEA SIFA JEHOVAH - ABEDDY NGOSSO

2010-12-07T06:22:00.000+03:00

HAKUNA MWINGINE - GERALDINE ODUOR

2010-12-05T06:19:00.000+03:00

UTUKUZWE - ROSE MUHANDO

2010-12-02T18:26:00.001+03:00

OMBA - GERALDINE ODUOR

2010-12-02T18:15:00.002+03:00

USIWE NA KINYONGO - YUSTO ONESMO

2010-12-02T18:09:00.001+03:00

YAHWEH MTOSHELEVU - ANNA ANNIE

2010-12-01T06:40:00.001+03:00

NIONGEZEE SALIO - MARTHA RAMADHANI

2010-11-30T12:11:00.003+03:00

Tunaohitaji salio tuko wengi. Asante dada Martha Ramadhani kwa wimbo huu mzuri.

HUWAINUA HAO - ANNA ANNIE

2010-11-30T09:27:00.000+03:00

DUNIA INA MVUTO - MARTHA RAMADHANI

2010-11-30T06:02:00.003+03:00

BARTHIMAYO - BAHATI BUKUKU

2010-11-29T17:48:00.000+03:00

"NIPE MACHO" YA CHRISTINA SHUSHO IKO MITAANI

2010-11-29T17:40:00.004+03:00

Muimbaji wa Nyimbo za Injili Christina Shusho tayari Album yake ya tatu NIPE MACHO iko mitaani, album yake ina jumla ya nyimbo kumi 1. NINA WIMBO. 2. BADO NAKUNGOJA 3. MUNGU UHIMIDIWE 4. NIPE MACHO 5. MAPITO 6. MUNGU AKIWA 7. THAMANI YA WOKOVU 8. NI KWA NEEMA 9. USHIRIKI NA ROHO 10. MUNGU WA HURUMA.

—Jipatie Nakala Yako—

Habari hii ni kutoka Strictly Gospel.

Kuna aliye na wimbo angalau mmoja tu atuonjeshe???

HONGERA KINA MAMA - ROSE MUHANDO

2010-11-28T04:00:00.000+03:00

MPUMBAVU - KWAYA YA A.I.C MWADUI SHINYANGA

2010-11-22T16:16:00.000+03:00

MAPITO - BAHATI BUKUKU

2010-11-22T16:15:00.000+03:00

TWENDE NA TUJIFUNGENI - ROSE MUHANDO

2010-11-20T17:39:00.009+03:00

Nani kama Rose Muhando? Nyimbo hizi mbili ni kutoka Albamu yake mpya iitwayo Nyota ya Ajabu (Zawadi ya Krismasi, 2010). Je, albamu hii inapatikana mtandaoni? Kama kuna anayejua atujulishe. Mimi mwenyewe ninahitaji nakala kama kumi hivi.

(1) TUJIFUNGENI

(2) TWENDE

NI NANI KAMA WEWE? - KWAYA YA MHUBIRI NTYUKA ANGLIKANA

2010-11-20T17:35:00.000+03:00

IBRAHIMU - ERASTO SHENGEZI

2010-11-03T15:52:00.000+03:00

UINULIWE - GERALDINE ODUOR

2010-11-03T15:50:00.000+03:00

NTAWUNDI - YUSTO ONESMO

2010-10-27T07:06:00.000+03:00

KUNA VITA - KWAYA YA MHUBIRI NTYUKA ANGLIKANA

2010-10-25T06:33:00.001+03:00

ULIMI MOTO - YUSTO ONESMO

2010-10-24T18:24:00.000+03:00

Kweli tupu!!!

AMKA AFRIKA - SARAH KIARIE

2010-10-24T03:36:00.000+03:00

ATAFANYA NJIA - ANNA ANNIE

2010-10-19T03:23:00.001+03:00

TUELEWANE - USHINDI NA GBI

2010-10-17T03:19:00.001+03:00

MPENZI WANGU - FRANCIS KOGI

2010-10-15T03:17:00.000+03:00